തിരുവനന്തപുരം: നിയമസഭാ തെരഞ്ഞെടുപ്പില് കനത്ത തോല്വി ഏറ്റുവാങ്ങിയതിന് പിന്നാലെ സിപിഎം സംസ്ഥാന സെക്രട്ടറി എം.വി.ഗോവിന്ദനെതിരേ സമൂഹമാധ്യമത്തില് രൂക്ഷ വിമര്ശനം.
സിപിഎം സംസ്ഥാന സമിതിയുടെ ഔദ്യോഗിക ഫെയ്സ്ബുക്ക് പേജില് എം.വി.ഗോവിന്ദന്റെ വാര്ത്താസമ്മേളനം അറിയിച്ചുള്ള പോസ്റ്റിന്റെ കമന്റുകളിലാണ് വിമര്ശനമുയരുന്നത്.
തോല്വിയുടെ ഉത്തരവാദിത്തം ഏറ്റെടുത്ത് സെക്രട്ടറി സ്ഥാനം ഒഴിയണമെന്നാണ് ഭൂരിഭാഗം കമന്റുകളും. താങ്കളുടെ പാര്ട്ടി സെക്രട്ടറി ആയിട്ടുള്ള അവസാന പത്രസമ്മേളനമെന്നും കമന്റുകളുണ്ട്.
‘പാര്ട്ടി നേതൃത്വത്തിന്റെ ശൈലിയോടുള്ള അണികളുടെയും പൊതുജനങ്ങളുടെയും അസംതൃപ്തിയാണ് തെരഞ്ഞെടുപ്പ് ഫലം’. ‘പാര്ട്ടി കോട്ടകള് വരെ കടപുഴകി വീഴുന്നുണ്ടെങ്കില് അത് നേതൃത്വത്തിന്റെ പിടിപ്പുകേടാണെന്ന് സമ്മതിച്ചേ മതിയാകൂ’ എന്നും കമന്റുകളുണ്ട്.
